لە درێژەی هاوکارییەکانی بۆ هەرێمی کوردستان، پارێزگاری هه‌ولێر له‌گه‌ڵ به‌رپرسانی ده‌سته‌ی هاتووچۆی ئەڵمانیا یاداشتێكیان واژووكرد بۆ دانانی تۆڕێکی پاس لە شاری هەولێر.
نەوزاد هادی، پارێزگاری هەولێر، لە شاری دۆسڵدۆرڤ لە ئەڵمانیا، لەگەڵ بەرپرسانی دەستەی هاتووچۆی شارەکە کۆبۆتەوە و یاداشتێکی لێکتێگەیشتنیان واژوو کردووە.
بەگوێره‌ی یاداشتەکە، بڕیاره دەستەی هاتووچۆی ئەڵمانیا سیستەمێكی پاس لە شاری هەولێر دابمەزرێنێت و چەند پاسێکیش بە دیاری بۆ هەولێر دەنێرێت.
حکوومەتی ئەڵمانیا لە سەرەتای هێرشی رێکخراوی تیرۆریستی داعشەوە بۆ سەر هەرێمی کوردستان، بە ناردنی هاوکاریی مرۆیی، چەک و راوێژکاری سەربازی، هاوکاریی هەرێمی کوردستان و هێزەکانی پێشمەرگەی کوردستان دەکات.
کۆمێنت (0)
تا ئێستا هیچ کۆمێنتێک نەکراوە.