لە پڕۆژە یاسای بودجەی گشتی عێراق بۆ حەوت ترلیۆن دینار كەمكراوەتەوە، بەڵام هەرێمی كوردستان تەنیا بۆ مووچە پێویستی بە زیاتر لە ده ترلیۆن دینارە.
پشكی هەرێمی كوردستان لە پڕۆژە یاسای بودجەی گشتی عێراق بۆ حەوت ترلیۆن دینار كەمكراوەتەوە، بەڵام هەرێمی كوردستان تەنیا بۆ مووچە پێویستی بە زیاتر لە ده ترلیۆن دینارە، جگە لە خەرجی و كرێی كۆمپانیا نەوتییەكان و خەرجی وەبەرهێنان.
فراكسیۆنه كوردستانییه‌كان داواكارن رێژه‌ی له‌سه‌دا حه‌ڤده‌ی بودجەی عێراق بۆ هەرێمی کوردستان تەرخان بكرێت و وەك پارێزگاكان مامەڵە لەگەڵ هەرێمی كوردستان نەكرێت، هه‌روه‌ها بەشە بودجەی پێشمەرگە دیاری بكرێت و هەرێمی كوردستان لە بودجەی گەشەپێدانی هەرێمایەتی بێ بەش نەكرێت، بۆیه بایكۆتی دانیشتنەكانی ئەنجوومەنی نوێنەرانیان لەبارەی بودجەوە كردووە.
نه‌جیبه نه‌جیب ئەندامی لیژنەی وه‌به‌رهێنان لە ئەنجوومەنی نوێنەرانی عێراق ڕایده‌گه‌یه‌نێت: سەرۆك وەزیرانی عێراق ئامادە نییە گۆڕانكاری لە پڕۆژە یاسای بودجەدا بكات و داواكاری كورد جێبەجێ بكات، بەجۆرێك دەیەوێت بەمشێوەی كە هەیە پڕۆژە یاسای بودجە پەسەند بكرێت كە ئەمەیش بەهیچ شێوەیەك لە بەرژوەندی هەرێمی كوردستان نییە، گوتیشی: بە هیچ شێوەیەك دەنگ بە پڕۆژە یاسایی بودجە نادەن تا داواكارییەكانی كورد جێگیر نەكرێن.
کۆمێنت (0)
تا ئێستا هیچ کۆمێنتێک نەکراوە.