له‌سه‌ر رێگای سه‌ره‌كی هه‌ولێر - خه‌بات ئۆتۆمبێلێكی جۆری بی ئێم ده‌بلیو به‌هۆی خێرایی لێخورین وه‌رده‌گرێت و سێ كه‌س له‌سه‌رنشینانی بریندار ده‌بن. له‌لایه‌كی دیكه‌شه‌وه بەهۆی ڕووداوێکی هاتوچۆ لە قەزای پشدەر پێنج هاووڵاتی برینداربوون و دوو لە بریندارەکان برینەکانیان ناجێگیرە.
به‌رپرسی بنكه‌ی هاتووچۆی خه‌بات به‌ده‌زگای سه‌ته‌لایتی كوردستانی راگه‌یاند: دوانیوەڕۆی ئەمڕۆ یه‌كشه‌ممه له‌سه‌ر رێگای سه‌ره‌كی هه‌ولێر - خه‌بات ئۆتۆمبێلێكی جۆری بی ئێم ده‌بلیو به‌هۆی خێرایی لێخورین له ڕێره‌وی خۆی ده‌رده‌چێت و وه‌ڕده‌گرێت سێ كه‌س له‌سه‌رنشینانی بریندار ده‌بن.
هه‌روه‌ها گوتیشی: پاش ڕووداوەکە بریندارەکان گەیەنرانە نەخۆشخانەی فریاکەوتن و چاره‌سه‌ری پێویستیان بۆ كراوه.
له‌لایه‌كی دیكه‌شه‌وه ڕاگەیاندنی بەڕێوەبەرایەتی پۆلیسی ڕاپەڕین ڕایگەیاند، دوانیوەڕۆی ئەمڕۆ لە لۆفەکانی شاخی (گڵەزەرد) کە ڕێگەی پشدەر - ڕانیە بەیەکەوە دەبەستێتەوە، ئۆتۆمبێلێکی جۆری تۆیۆتا کورۆلا (پیکاشۆ) کۆنتڕۆڵی لەدەستداوە و بەوهۆیەشەوە شۆفێرەکەی و چوار سەرنشینەکەی برینداربوون کە پێشمەرگەن.
له راگه‌یه‌ندراوه‌كه‌دا هاتووه پاش ڕووداوەکە بریندارەکان گەیەنرانە نەخۆشخانەی فریاکەوتنی قەڵادزێ و دوو لە بریندارەکان برینەکانیان ناجێگیرە.
کۆمێنت (0)
تا ئێستا هیچ کۆمێنتێک نەکراوە.