شاندێکی ھەرێمی كوردستان لە شاری بەنگلۆری وڵاتی ھیندستان بەشداری كۆنفرانسی "ژیان گەشتێكی ڕووحانیە"دا کرد.
له‌م باره‌وه توانا ته‌قیه‌ددین، سەرۆكی ئۆفیسی كوردستانی ھاوبەندی نێودەوڵەتی بۆ بەھا مرۆییەكان ، كه سەرۆكایەتی شاندەكەی هه‌رێمی کوردستان ده‌كات، باسی لە گرنگی و ڕۆڵی كوردستانیانی كرد لەو جۆرە كۆنفرانسانەدا و له‌م سه‌ره‌دانه‌شدا چەندین دیدارو چاوپێكەوتنیان ئەنجامداوه لەگەڵ شاندی ووڵاتانی بەشدار و داوای ھاوكاریی و پشتیوانی لێكردن بۆ گەلی كوردستان و كچانی ڕزگاربووی دەستی تیرۆرستانی داعش.
ھەر لەكۆنفرانسەكەدا ژیان میرانی، سەرۆكی ڕێكخراوی خێرخوازی ڕوناھی وتارێكی پێشكەش كرد ، لەژێر ناوی (ژیان یاریە یان شەڕ) كە تیایدا باسی لە ڕۆڵی قاره‌مانانی كچانی كوردی لە سەركەوتنەكانیان و بەرەو پێشچوونەكانیان لە كایە سیاسیی و كۆمەڵایەتی و ئابورییەكاندا کرد.
لە ڕۆژی دووەمی كۆنفراسەكەدا كچانی ئێزدی ڕزگاربووی دەستی تیرۆرستانی داعش باسیان لە چۆنییەتی كارەسات و ھەڵسوكەوتی تیرۆرستانی داعش کرد لەگەڵیاندا.
كۆنفرانسەكە ماوەی سێ ڕۆژی خایاندو زیاتر لە (2،600) كەس لە (153) وڵاتی جیھانەوە بەشداریان تێدا كرد.
کۆمێنت (0)
تا ئێستا هیچ کۆمێنتێک نەکراوە.