میلیشیاكانی حه‌شدی شه‌عبی سه‌نگه‌ره‌كانی خۆیان له باشوور و رۆژئاوای كه‌ركوك چۆڵكرد و به‌و هۆیه‌شه‌وه مه‌ترسی له‌سه‌ر شاری كه‌ركوك دروست بووه.
سه‌رچاوه‌كانی هه‌واڵ بڵاویان كردۆته‌وه میلیشیاكانی حه‌شدی شه‌عبی باشوور و رۆژئاوای كه‌ركوكیان كردۆته‌وه .
هه‌روه‌ها ده‌زگاكانی هه‌واڵگری سوپای عێراق رایانگه‌یاندووه: مه‌ترسی داگیركردنی كه‌ركوك و داقوق له لایه‌ن چه‌كدارانی داعشه‌وه هه‌یه .
پێشتر چه‌ندین جار چه‌كدارانی داعش له سنووری حه‌مرینه‌وه هێرشیان ده‌كرده سه‌ر سه‌نگه‌ره‌كانی هێزی پێشمه‌رگه‌ی كوردستان، به‌ڵام له لایه‌ن هێزه‌كانی پێشمه‌رگه‌وه به‌رپه‌چیان ده‌درایه‌وه و هێرشه‌كانیان تێكده‌شكێنران.
سه‌رچاوه‌یه‌كی ئه‌منی به ده‌زگای سه‌ته‌لایتی كوردستانی راگه‌یاند: دوای رووداوه‌كانی 16ـی ئۆكتۆبه‌ر، رفاندن و دزی و سووتاندنی ماڵی هاووڵاتییان رۆژ دوای رۆژ زیاد ده‌بێت و كرانه‌وه‌ی ئه‌منیه‌ت له‌و ناوچه‌یه دروست بووه.
کۆمێنت (0)
تا ئێستا هیچ کۆمێنتێک نەکراوە.