سه‌رچاوه‌یه‌كی سه‌ربازی به ده‌زگای سه‌ته‌لایتی كوردستانی راگه‌یاند " ئه‌م ئێواره‌یه چه‌ند چه‌كدارێكى نه‌ناسراو له سنورى گوندى كباحیه‌ى سه‌ر به پارێزگاى كه‌ركوك كه گومان ده‌كرێت سه‌ربه گروپى تیرۆریستى داعش بن ، ته‌قه‌یان له ره‌بایه‌كى پۆلیسى ئاماده‌ى نه‌وتى كه‌ركوك كردووه به‌و هۆیه‌وه دوو پۆلیسى كوردى ناو ره‌بایه‌كه گیانیان له ده‌ست داوه و یه‌كێكی دیكه‌ش برینداره
سه‌رچاوه‌كه ئه‌وه‌شى روونكردۆته‌وه گوندى كباحیه ده‌كه‌وێته ناو چه‌ى نه‌وتیه‌كانى خه‌بازه و به بیره نه‌وتى ژماره 3 ناسراوه سنووره‌كه‌شى ده‌كه‌وێته باشورى كه‌ركوك كه به نه‌وت ده‌وڵه‌مه‌نده ، هه‌ردواى ته‌قه‌كردنه‌كه‌ش چه‌كداره نه‌ناسراوه‌كان به‌ره‌و گوندى خه‌بازه‌ى هه‌مان ناوچه رایانكردووه
شیاوى باسه ماوه‌ى هه‌فته‌یه‌كه ترس و دڵه راوكێیه‌كى زۆر له كه‌ركوك و ده‌وروبه‌رى بڵاو بۆته‌وه گوایه داعش به‌نیازى داگیر كردنى كه‌ركوكه وپێشتریش هه‌واڵگرى عێراقى به نوسراوى فه‌رمى پۆلیسى كه‌ركوكى له‌مه‌ترسیه‌كانى كه‌ركو ئاگادار كردووه‌ته‌وه .
کۆمێنت (0)
تا ئێستا هیچ کۆمێنتێک نەکراوە.