هێزەكانی سوپای میسر رایانگەیاند كە 4 تیرۆریستی تەكفیری مەترسیدار لە میانەی بەجێگەیاندنی هەڵمەتێكی ئەمنی فراواندا بۆ راوەدونانی گروپە تیرۆریستیەكان لە باكوورو ناوەڕاستی سینا كوژران .
گوتەبێژێكی سەربازی ئەنجامی هەڵمەتە ئەمنییەكەی بڵاوكردەوە كە چەندین ئامانجی تیرۆریستانیان خاپوركرد جگە لە ژمارەیەكی زۆری ئۆتۆمبێل و ماتۆرسكیل ، هەروەها لەو هەڵمەتەدا 402 گومانلێكراو دەستگیركراون .
هەروەها زیاتر لە 100 بۆمبی چێنراو لەلایەن ئەندازیارانی سەربازی سوپای میسر تەقێنراونەتەوە كە لە لایەن تیرۆریستانەوە چێنرابوون . جگە لەوەش بڕێكی زۆری چەك و تەقەمەنی دەستیان بە سەردا گیرا.
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.