لە ئاكامی هەڵدانی چەند بۆمبێك كە هەڵگری غازی ژەهراوی بوون بۆ سەر گوندی ئارندا لە ناوچەی عەفرین ، 6 كەس دووچاری هەناسە تەنگی بوونەوە و دواتر بۆ نەخۆشخانە گوازرانەوە .
جوان محەمەد پزیشك لە ناوچەی عەفرین بە ئاژانسی سانای سوری راگەیاند كە لە ئاكامی بەكارهێنانی غازی ژەهراوی لە لایەن سوپای توركیاوە بۆ سەر ناوچەی عەفرین ، 6 كەس دووچاری هەناسە تەنگی بوونەوە .
بەپێی سەرچاوەكانی هەواڵ دیمەشق و یەكەكانی پاراستنی گەل گەیشتوونەتە رێككەوتن بۆ ئەوەی هێزەكانی سوپای سوریا بێنە ناو عەفرین لە پێناو پاراستنی ناوچەكە لە بۆردومانی سوپای توركیا و سوپای سوریای ئازاد كە هاوكاری توركیا دەكات .
هەر چەند ئەو هەواڵە لە لایەن روجا رۆج فەرماندەی یەكەكانی پاراستنی گەل لە عەفرین رەتكرایەوە و گوتی دانیشتوانی عەفرین خۆیان ماوەی 28 رۆژە بەرگری لە خۆیان دەكەن و تا ئێستا هیچ هێزێك هاوكاری ئێمەی نەكردووە .
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.