دوای چه‌ندین هێرشی فڕۆكه جه‌نگییه‌كانی ئیسڕائیل بۆ سه‌ر خاكی سووریا كه تیایدا چه‌ندین بنكه‌ی فڕۆكه‌ی بێفڕۆكه‌وانی له حومس كرده ئامانج، وه‌زاره‌تی ده‌ره‌وه‌ی رووسیاش به راگه‌یاندنی به‌یاننامه‌یه‌ك نیگه‌رانی خۆی له‌م هێرشانه ده‌ربڕیوه و جه‌ختی كردووه‌ته‌وه له‌وه‌ی كه هه‌مووو وڵاتان ده‌بێت رێز له سه‌روه‌ریی نه‌ته‌وه‌یی سووریا بگرن و هه‌روه‌ها هۆشداریشی داوه له‌سه‌ر هه‌ر كرده‌وه‌یه‌ك كه گیانی سه‌ربازانی رووسیی بخاته مه‌ترسییه‌وه.
له به‌یاننامه‌كه‌ی وه‌زاره‌تی ده‌ره‌وه‌ی رووسیادا هاتووه كه ئێمه پێداگیرانه داوا له هه‌موو لایه‌نه‌كان ده‌كه‌ین دانبه‌خۆداگربن و خۆ به‌دوور بگرن له هه‌ر جۆره كرده‌وه‌یه‌ك كه بارودۆخ ئاڵۆزتر بكات، وه هه‌روه‌ها خوڵقاندنی هه‌ر بارودۆخێك كه ئاسایش و گیانی سه‌ربازانی رووسیی جێگیركراو له سووریا بخاته مه‌ترسییه‌وه، بۆ وڵاته‌كه‌مان جێگه‌ی قبوڵكردن نییه.
مه‌سعود / كوردستان تی ڤی
سه‌رچاوه / رادیۆ فه‌ڕه‌نسا
کۆمێنت (0)
تا ئێستا هیچ کۆمێنتێک نەکراوە.