فران ئێكویزا، نوێنه‌رى یونسێف له سوریا سه‌باره‌ت به ڕه‌وشى عه‌فرین لێدوانیكى دا له‌سه‌ر كوشتنى منداڵان له‌لایه‌ن هێرشه‌كانى توركیا بۆ سه‌ر عه‌فرین و هاووڵاتیانى سیڤیل.
ئێكویزا له لێدوانه‌كه‌ى كۆمه‌ڵێك راستى خسته‌ڕوو و ئاماژه‌ى به‌وه كرد ده‌سه‌ڵاتى توركیا فه‌رمانى بۆمبارانكردنى عه‌فرینیان داوه و به‌هۆى ئه‌و بۆمبارانه‌وه 11 منداڵى بێتاوان گیانیان له‌ده‌ستداوه.
فران ئێكویزا ره‌خنه‌ى توندى له وڵاتانى جیهان گرت و له لێدوانه‌كه‌ى ده‌ڵێت " ئایا جیهان سڕ و نوستووه كه به‌رامبه‌ر به كوشتنى منداڵى بێتاوان بێده‌نگى هه‌ڵبژێرێت؟ هه‌روه‌ها وتى له دوو هه‌فته‌ى ڕابردوو روژانه توندوتێژى و كوشتن له جه‌ندین ناوچه له وڵاته‌كه زیادیان كردووه.
نوێنه‌رى یونسێف له سوریا وتیشی: یونسێف ڕاپۆرتێكى وه‌رگرتووه ده‌رباره‌ى كوژرانى 11 منداڵى بى تاوان له عه‌فرین كه ده‌كه‌ویته باكوورى سوریا و هه‌روه‌ها به‌رپرسى یونسێف وتى: جه‌نگ یاسایان هه‌یه و ئه‌م یاسایانه ڕۆژانه تێكده‌شكێت و ره‌چاو ناكرێت و پێویسته جیهان به هاناى منداڵ و خه‌ڵكى سیڤیله‌وه بچێت.
ئاماده‌كردن و وه‌رگێڕانی/ سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.