ژان لۆدریان وه‌زیری ده‌ره‌وه‌ی فه‌ڕه‌نسا بڕیاره 5ـی مارسی ئه‌مساڵ به مه‌به‌ستی دانووستان له‌سه‌ر چه‌ندین پرسی گرنگی وه‌ك موشه‌كی بالستیكی ئه‌م وڵاته و هه‌روه‌ها پشتیوانی دارایی ئه‌م وڵاته له حزبوڵڵای لوبنان سه‌ردانی تاران بكات.
به‌گوێره‌ی هه‌واڵی رۆژنامه‌ی فیگارۆی فه‌ڕه‌نسی، له‌م سه‌ردانه‌دا موشه‌كه بالستیكه‌كانی ئێران و رێككه‌وتنی ئه‌تۆمی ئه‌م وڵاته له‌گه‌ڵ وڵاتانی زلهێزی جیهان و داهاتووی ئه‌م رێككه‌وتنه و هه‌روه‌ها گۆڕانكارییه‌كانی ناوچه‌كه و پشتیوانی حكومه‌تی ئه‌م وڵاته له حزبوڵڵای لوبنان، ته‌وه‌ری سه‌ره‌كیی گفتوگۆكانی لۆدریان ده‌بێت له‌گه‌ڵ به‌رپرسانی ئێران.
به‌وته‌ی وه‌زیری ده‌ره‌وه‌ی فه‌ڕه‌نسا، وڵاته‌كه‌ی حه‌ز ده‌كات ناوبراو له‌گه‌ڵ به‌رپرسانی كۆماری ئیسلامیی ئێران سه‌باره‌ت به پێگه‌ی سه‌ربازیی و كرداری ئه‌م وڵاته كه بووه‌ته هۆی تێكچوونی سه‌قامگیریی ناوچه‌كه گفتوگۆ بكات، وێڕای ئه‌وه‌ش پشتیوانی مادیی ئه‌م وڵاته له حزبوڵڵای لوبنان و حوسییه‌كانی یه‌مه‌ن ته‌وه‌رێكی دیكه‌ی ئه‌م گفتوگۆیانه ده‌بێت.
سه‌رچاوه / دی ده‌بڵیوو
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.