پێشمه‌رگه‌ی دێرین و ئه‌ندامێكی جڤاتی گشتی گۆڕان رایده‌گه‌ێنێ، هه‌موو كه‌سێك ده‌زانێ شاسوار كه‌سێكی چۆنه و قبوڵ ناكه‌ین جلی كاك نه‌وشیروان له‌به‌ر ده‌كات و لاسایی ئه‌و بكاته‌وه.
خه‌لیل سه‌ركانی، پێشمه‌رگه‌ی دێرین و ئه‌ندامی جڤاتی گشتیی گۆڕان به (باسنیوز)ی ڕایگه‌یاندووه، ماوه‌یه‌كه شاسوار عه‌بدولواحد، سه‌رۆكی جووڵانه‌وه‌ی نه‌وه‌ی نوێ به‌بێ ئه‌وه‌ی ئه‌ندامی گۆڕان بێت، جلی كاك نه‌وشیروان له‌به‌ر ده‌كات و لاسایی ده‌كاته‌وه، به‌ڵام ئه‌گه‌ر سنورێك بۆخۆی دانه‌نێت، ناچار ده‌بین مه‌له‌فه‌كانی بڵاو بكه‌ینه‌وه.
ئه‌و سه‌ركرده‌یه گۆڕان ده‌شڵێ: شاسوار عه‌بدولواحید خاوه‌نی میراتگری نه‌وشیروان مسته‌فای رێكخه‌ری كۆچكردووی گۆڕان نییه، هه‌موو كه‌سێك ده‌زانێ شاسوار كه‌سێكی چۆنه و قبوڵ ناكه‌ین جارێكی دیكه لاسایی بكاته‌وه.
ئه‌و ئه‌ندامه‌ی جڤاتی گشتیی گۆڕان شاسوار عه‌بدولواحیدی به كه‌سێكی شكستخواردوو هه‌ژمار كرد و رایگه‌یاند، ناتوانێ له‌پێناو به‌رژه‌وه‌ندیی خۆی و گرووپه‌كه‌ی، وه‌ك كاك نه‌وشێروان خۆی بنوێنێت.
خه‌لیل سه‌ركانی ئاماژه‌ی به‌وه‌ش كردووه، كه شاسوار عه‌بدولواحید پاره‌ی هه‌زاران هاووڵاتی خواردووه و له بازرگانییه‌كه‌شی شكستی هێناوه، بۆیه ئه‌گه‌ر سنوورێك بۆ خۆی دانه‌نێت، ناچارده‌بین هه‌ڵوێستی خۆمان بگۆڕین و به‌شێوازێكی دیكه مامه‌ڵه‌ی له‌گه‌ڵدا بكه‌ین.
کۆمێنت (0)
تا ئێستا هیچ کۆمێنتێک نەکراوە.