بۆ وێنه‌گرتنی زنجیره فیلمی ( میشن ئیمپۆسیبڵ ) هونه‌رمه‌ندی ناسراوی هۆڵیود " تۆم كروز " بۆ چه‌ند ساتێك ژیان له شارێكی گه‌وره‌ی وه‌ك له‌نده‌نی پایته‌ختی به‌ریتانیا راده‌گرێت .
له گرته‌یه‌كی ڤیدیۆیی ئه‌مرۆ بڵاوكراوه‌ته‌وه كاتێك ئه‌و هونه‌رمه‌نده به‌سه‌ر بانیژه‌ی پردێكی هێڵی شه‌مه‌نده‌فه‌ر له ناوه‌راستی له‌نده‌ن راده‌كات ، ته‌واوی جوڵه‌ی هاتوچو له ده‌ورو به‌ره‌كه‌ی راگیراوه .
میدیاكانی به‌ریتانیا بڵاویان كردۆته‌وه به هۆی گرته‌یه‌كی فیلمی تۆم كروز له‌سه‌ر پردی بلاكفریارز به‌رپرسانی هاتوچوی له‌نده‌ن بۆ چه‌ند خوله‌كێك هاتوچوی ئۆتۆمبێل و پاس شه‌مه‌نده‌فه‌ره‌كانیان راكرتووه .
جێی ئاماژه‌یه كروز له ئێستادا ته‌مه‌نی 55 ساڵه و له‌م گرته ڤیدیۆیه‌دا جوله‌ی پاڵه‌وانانه و مه‌ترسیدار ئه‌نجامده‌دات .
کۆمێنت (0)
تا ئێستا هیچ کۆمێنتێک نەکراوە.