هێزێکی سه‌ربازی به‌ره‌و خورماتوو جوڵه‌ی پێ ده‌کرێت

هێزێك به‌ناوی هێزی به‌رپه‌رچدانه‌وه‌ی خێرا ڕه‌وانه‌ی شارۆچكه‌ی دوزخورماتوو ده‌كرێت و ئه‌و هێزه‌ش ده‌ڵێن: ئامانجی ره‌وانه‌كردنمان بۆ ئارامكردنه‌وه‌ی دۆخی شارۆچكه‌یه‌.

به‌پێی زانیاریه‌كان حكومه‌تی عێراقی بڕیاریداوه‌ به‌وه‌ی هێزی پۆلیسی فیدڕاڵی كه‌به‌هێزی به‌رپه‌رچدانه‌وه‌ی خێرا ناسراون ڕه‌وانه‌ی دوزخورماتوو بكرێت و له‌ئێستادا جوڵه‌ به‌وهێزه‌ كراوه‌ .

حكومه‌تی عێراقی ئه‌ركی ئارامكردنه‌وه‌ی قه‌زاكه‌ی به‌و هێزه‌ سپاردوه‌وه‌ له‌چه‌ندرۆژی داهاتووش ته‌واوی بازگه‌كان و دۆسیه‌ ئه‌منی و گرنگه‌كان ڕاده‌ستیان ده‌كرێت.

ڕۆژی 16ی ئۆکتۆبەری ڕابردوو، حەشدی شەعبی و چەند میلیشیایەکی دیکە، بەڕێککەوتن و هاوكارى لەگەڵ گرووپێکی خیانەتکارى لایه‌نێكى كوردى، پەلاماری شارۆچكه‌ی دوزخورماتوویاندا دەستیان بە سەر ئه‌و ناوچانه‌دا گرت و سەدان ھاووڵاتیی کوردیان شەھید و بریندار کردو نزیکەی 200 ھەزار کەسیش لەو سنوورانە ئاوارە بوون، سه‌ربارى ئه‌وه‌ى چه‌ندین دوكان و خانووى هاووڵاتیانى كوردیان له‌و ناوچانه‌ سووتاند.