بالیۆزى ئه‌مریكا له عێراق، جه‌خت ده‌كاته‌وه، كه ویلایه‌ته یه‌كگرتووه‌كانى ئه‌مریكا پشتیوانیی له هه‌وڵه‌كان بۆ چاره‌سه‌ركردنى كێشه‌كانى نێوان عێراق و هه‌رێمى كوردستان ده‌كات.
دۆگڵاس سلیمان باڵیۆزی ئەمریكا لە عیراق رایگەیاند: ویلایەتە یەكگرتووەكانی ئەمریكا پشتیوانی لەو هەوڵانە دەكات كە خراونەتە گڕ بەمەبەستی چارەسەركردنی كێشە هەڵپسێردراوەكانی نێوان هەولێر و بەغدا.
باڵیۆزی ئەمریكا لە لێدوانێكیدا بۆ رادیۆی سەوا ئاشكرای كرد دووپاتی دەكەمەوە كە واشنتۆن پشتیوانی دەكات لەو هەوڵانەی خراونەتە گڕ بەمەبەستی چارەسەركردنی كێشەكانی نێوان هەولێر و بەغدا بەرێگەی دیالۆگ و گفتوگۆ و دانوستان و بەپێی دەستوری عیراق.
رۆژی پێنج شەممەی رابردوویش باڵیۆزی ئەمریكا لە عیراق لەگەڵ نیچیرڤان بارزانی سەرۆكی حكومەتی هەرێمی كوردستان و ژمارەیەك لەبەرپرسانی هەرێم كۆبوەوە بەمەبەستی تاوتوێ كردنی بارودۆخی سیاسی ناوچەكە و هەرێمی كوردستان ،هەروەك هەڵبژاردنی داهاتووی هەرێم و پلانەكانی چەكسازی كە حكومەتی هەرێم بەنیازە بیگرێتبەر تەوەرەیكی دیكەی گفتوگۆكان بوو.
هه‌روه‌ها ئه‌نتۆنیۆ گۆتێرێس، سكرتێرى گشتیى نه‌ته‌وه یه‌كگرتووه‌كان جه‌خت له‌وه ده‌كاته‌وه كه ده‌بێت كێشه‌كانى هه‌ولێر ـ به‌غدا به شێوه‌یه‌كى ئاشتیانه، له ڕێگه‌ى دانوستانێكى سیاسییه‌وه، له‌سه‌ر بنه‌ماى ده‌ستوورى عێراق چاره‌سه‌ر بكرێن و ده‌ڵێت: "هه‌ردوولا هانده‌ده‌م هه‌نگاوى پێویست بۆ ڕه‌خساندنى زه‌مینه‌یه‌كى له‌بار بنێن تاكو بتوانن تیایدا دانوستانێكى ڕاسته‌قینه ئه‌نجام بده‌ن".
کۆمێنت (0)
تا ئێستا هیچ کۆمێنتێک نەکراوە.