ڕائید كاروان محمد سدیق ، وته‌بێژی فه‌رمی هاتوچۆی پارێزگای ڕایگه‌یاند: له ساڵی ٢٠١٧ دا ١٢٢٠ ڕووداوی هاتوچۆ ڕووی داوه، به‌و هۆیه‌وه ( ٢١٨) كه‌س گیانیان له‌ده‌ستداوه‌و ٣١٩٣ كه‌سیش بریندار بوون.
ڕائید كاروان ئاماژه‌ی به‌هۆكاری ئه‌و ڕێژه به‌رزه‌ی ڕووداوی هاتوچۆی له‌سلێمانی كرد كه به‌وته‌ی خۆی ڕێژه‌كه به‌به‌راورد له‌گه‌ڵ ساڵی(٢٠١٦)به‌رزبۆته‌وه و گوتیشی:خێرایی هۆكاری سه‌ره‌كی ئه‌و ڕووداوانه‌یه،دوای ئه‌وه پابه‌ندنه‌بوون به‌ڕێنماییه‌كانی هاتوچۆ،بێ ئاگایی و مه‌ی نۆشین و لاساری به‌دوایدا دێن.
گوتیشی: له‌ماوه‌ی ساڵی ڕابردوو(٣٢٨،٥٠٧)وێنه‌ی سه‌رپێچی ئۆتۆمبێله‌كان له‌لایه‌ن كامێراكانی چاودێرییه‌وه گیراوه، كه داهاته‌كه‌ی بیست و هه‌شت ملیار و چل و حه‌وت ملیۆن چوارسه‌د و بیست و پێنج هه‌زار دینار بووه.
کۆمێنت (0)
تا ئێستا هیچ کۆمێنتێک نەکراوە.