یەکەى دژە تیرۆرى ڕۆژئاواى کوردستان بەرپرس و پلاندارێژەرى ئەو تەقینەوەیەى شارى قامیشلۆیان کوشت، کە بووە هۆى شەهیدبوونى 58 هاووڵاتى.
ئەبو ئەلوەلید گەورە بەرپرسی داعش بە ئەنجامدەری سەرەكی ئەو تەقینەوەیە دادەنرێت، كە لە گەڕەكی غەربی شاری قامیشلۆ ڕوویدا.
هاوكات ناوەندی ڕاگەیاندن و چاپەمەنی هێزەكانی پاراستنی گەل (یەپەگە) بڵاویكردووەتەوە، دوای خستەژێر چاودێرییەكی ورد حسێن ئەبو وەلید لەلایەن هێزێكی دژە تیرۆری سەر بە یەپەگەوە لە پارێزگای دێرەزوور كراوەتە ئامانج و كوژراوە.
شایه‌نی باسه ڕۆژى 27ى تەمووزی 2017 چەکدارێکى خۆکوژى داعش ئۆتۆمبێلێکى بارهەڵگرى پڕ لە تەقەمەنیى لە گەڕەکى غەربیى قامیشلۆدا تەقاندەوە و بەو هۆیەوە 58 هاووڵاتى شەهیدبوون و 177 هاووڵاتى تریش برینداربوون و چەندین بینا و دوکانیش ڕووخان.
کۆمێنت (0)
تا ئێستا هیچ کۆمێنتێک نەکراوە.