به‌گوێره‌ی هه‌واڵی راگه‌یاندنه‌كانی فه‌رمی ئێران و به پێی ئاماره فه‌رمییه‌كانی ئه‌م وڵاته، له شاری دۆروودی پارێزگای لوڕستان چوار كه‌س و له شاری ئیزه‌ی پارێزگای خوزستانیش دوو كه‌س كوژراون.
به وته‌ی ماشه‌ڵڵا نیعمه‌تی قایم مقامی شاری دۆروودی پارێزگای لوڕستان له رۆژی یه‌كه‌می خۆپیشاندان دوو كه‌س كوژراون و 6 كه‌سی دیكه‌ش برینداربوونه و له رۆژی دواتریش دوو كه‌سی دیكه كوژراون.
ناوبراو رایگه‌یاندووه كه لێكۆڵینه‌وه ده‌كرێت بۆ ئه‌وه‌ی بزانرێت ئایا ته‌قه كردنه‌كه له‌لایه‌ن هێزه ئه‌منییه‌كان بووه یان له‌لایه‌ن خۆپیشانده‌رانه‌وه.
له‌لایه‌كی دیكه‌وه هیدایه‌توڵڵا خادمی قایم مقامی شاری ئیزه‌ی سه‌ر به پارێزگای خوزستان به ئاژانسی ئیلنای ناوخۆی ئێرانی راگه‌یاندووه كه له خۆپیشاندانه‌كانی ئه‌م شاره‌دا دوو كه‌س كوژراون.
ناوبراویش به هه‌مان شێوه‌ی قایم مقامی شاری دۆروود رایگه‌یاندووه كه لێكۆڵینه‌وه ده‌كه‌ن بزانن ته‌قه كردن له‌لایه‌ن هێزه ئه‌منییه‌كانه‌وه بووه یان له‌لایه‌ن خۆپیشانده‌رانه‌وه.
سه‌رچاوه: رادیۆ فه‌ردا
مه‌سعود / كوردستان تی
کۆمێنت (0)
تا ئێستا هیچ کۆمێنتێک نەکراوە.