له خۆپیشاندانه‌كانی دوێنێی شاری تارانی پایته‌ختی ئێران، له‌لایه‌ن هێزه ئه‌منییه‌كانه‌وه ٢٠٠ كه‌س ده‌ستگیر كران.
عه‌لی ئه‌سغه‌ر نه‌سربه‌خت، جێگری پارێزگاری تاران، له لێدوانێكیدا بۆ ئاژانسی ILNAی كرێكارانی ئێران رایگه‌یاند: دوێنێ ٢٠٠ كه‌س له خۆپیشاندانه‌كان شاری تاران ده‌ستگیر كراون.
نه‌سربه‌خت راشیگه‌یاند: به‌شێك له‌و خۆپیشانده‌رانه بۆ به‌رده‌م داواكاری گشتی گواستراونه‌ته‌وه و به‌شێكیان ئازاد كراون.
ناوبراو راشیگه‌یاند كه ٤٠ كه‌س كه پێشبینی ده‌كرێ سه‌رپه‌رشتی خۆپیشاندانه‌كانیان كربێت، ده‌ستگیر كراون.
رۆژی پێنجشه‌ممه‌ی رابردوو به هۆی خراپی بژێوی ژیان و ره‌وشی ئابووری، خۆپیشاندان و ناڕه‌زایی له شاره‌كانی مه‌شهه‌د و كاشمر باكووری رۆژهه‌ڵاتی ئێران ده‌ستی پێكردبوو و دواتر ناوچه جیاجیاكانی ئه‌و وڵاته‌ی گرته‌وه.
کۆمێنت (0)
تا ئێستا هیچ کۆمێنتێک نەکراوە.