نرخی نه‌وت له‌ بۆرسه‌کانی جیهان زیاتر به‌رزبۆوه‌

له‌گه‌ڵ به‌رده‌وامی داخستنی بۆڕی فۆرتیس بۆ گواستنه‌وه‌ی نه‌وت له‌ به‌ریتانیا، نرخی نه‌وت له‌ بۆرسه‌كانی جیهان زیاتر به‌رزبۆوه‌، جیا له‌مه‌ پێشبینی ئه‌وه‌ ده‌كرێت له‌ ساڵی داهاتوو به‌رهه‌می نه‌وتی خاوی ئه‌مه‌ریكا كه‌مبوونه‌وه‌ به‌خۆوه‌ ببینێ، سه‌ره‌ڕای كه‌مكردنه‌وه‌ی به‌رهه‌مێنانی نه‌وت له‌لایه‌ن وڵاتانی ئه‌ندامی ئۆپیك. 

ئه‌مڕۆ له‌ كاتی كردنه‌وه‌ی بۆرسه‌" به‌های نه‌وتی برێنت سه‌دا 0.6 به‌رزبۆوه ‌و هه‌ر به‌رمیلێكی به‌ (63) دۆلار و (59) سه‌نت مامه‌ڵه‌ی پێوه‌كرا . 

نه‌وتی خاوی ئه‌مه‌ریكیش به‌هه‌مان ڕێژه‌ به‌رزبۆوه‌وه‌ هه‌ر به‌رمیلێكی به (57) دۆلار و (66) سه‌نت مامه‌ڵه‌ی پێوه‌كرا . 

ئاژانسی نێوده‌وڵه‌تی وزه‌ پێشبینی ده‌كات له‌ نیوه‌ی یه‌كه‌می ساڵی داهاتوو بازاڕی جیهانی نه‌وت به‌بڕی (200) هه‌زار به‌رمیل نه‌وت زیادبوون به‌خۆوه‌ ببینێت" هۆكاری ئه‌مه‌ بۆ به‌رزبوونه‌وه‌ی به‌هه‌می نه‌وتی به‌ردینی ئه‌مه‌ریكا ده‌گه‌ڕێته‌وه‌.