گوته‌بێژی پۆلیسی هاتووچۆی گه‌رمیان رایگه‌یاند بەهۆی رووداوێکی هاتووچۆ لە رێگای کەلار - خانەقین، کەسێک گیانیلەدەستدا و 16 کەسیش برینداربوون.
رائید كارزان مه‌جید، گوته‌بێژی پۆلیسی هاتووچۆی گه‌رمیان راگەیاند سێ ئۆتۆمبێل لە جۆری BMW و مینی پاسێک و سوناتا لە رێگای کەلار - خانەقین بەیەکیانداداوە و بەهۆیەوە کەسێک گیانی لەدەستداوە و 16کەسیش برینداربوون.
ئێوارەی ئەمڕۆ ڕووداوێکی هاتوچۆ لەسەر ڕێگای خانەقین- کەلار لەنێوان سێ ئۆتۆمبێلدا، ڕووی داوه و ڕووداوه‌كه له نێوان سێ ئۆتۆمبێل له جۆره‌كانى (بی ئێم ده‌بلیو) و (مینی پاس) ێك و (سۆناتا) ڕووی داو لە ئەنجامدا، شۆفێری (بی ئێم)ـەکە گیانی لەدەست دا و 16 کەسی دیکەش بریندار بوون.
زۆرێك له بریندارەکان لەمینی پاسەکەدا بوون و سه‌رجه‌میان قوتابی کۆلێژی وەرزشی گەرمیانن لە شارى خانەقین و دواى ده‌وام بۆ کەلار گەڕاونەتەوە.
کۆمێنت (0)
تا ئێستا هیچ کۆمێنتێک نەکراوە.