گرووپی عه‌سائیبی ئه‌هلی حه‌ق هۆشداری ده‌داته ئیسرائیل و رایده‌گه‌ێنێ، شاری قودس له‌سه‌ر ده‌ستی عێراقییه‌كان و شوێنكه‌وتووانی ئیمامی مه‌هدی رزگار ده‌كرێت.
قه‌یس خه‌زعه‌لی، سكرتێری گشتی عه‌سائیبی ئه‌هلی حه‌ق، كه گرووپێكی سه‌ر به میلیشیاكانی حه‌شدی شه‌عبییه ، له ئاهه‌نگی به‌ناو سه‌ركه‌وتنه‌كانی سوپاو حه‌شدی شه‌عبی كه ئه‌مڕۆ له‌شاری به‌غدا به‌رێوه‌چوو هۆشداری ده‌داته ئیسرائیل و رایده‌گه‌ێنێ، شاری قودس له‌سه‌ر ده‌ستی عێراقییه‌كان و شوێنكه‌وتووانی ئیمامی مه‌هدی رزگار ده‌كرێت.
هه‌روه‌ها خه‌زعه‌لی هێرشی كرده سه‌ر وڵاتانی سعودیه و ئیسرائیل و به گرووپه‌كانی حه‌شدی شه‌عبی ده‌ڵێ: ئێوه سه‌لماندتان كه ئازان چونكه توانیتان پیلانه‌كانی سعودیه و ئیسرائیل و دوژمنه‌كانی ئیمامی مه‌هدی تێك بشكێنن.
ئه‌و وتانه‌ی خه‌زعه‌لی له كاتێكدایه كه چه‌ند رۆژێك له‌مه‌وبه‌ر دۆناڵد ترامپ،سه‌رۆكی ئه‌مریكا شاری قودسی وه‌ك پایته‌ختی ئیسرائیل ناساند.
سه‌رچاوه : به‌غداد ئه‌لیوم
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.