ئێوارەی ئەمڕۆ ھەینی تیروپشکی مۆندیالی 2018ی روسیا بەرێوەدەچێت و 32 ھەڵبژاردە به‌شدارن و بەسەر ھەشت کۆمەڵەدا دابەش دەکرێن.
ئەمڕۆ ھەینی کاتژمێر 6:00ی ئێوارە تیروپشکی قۆناغی کۆمەڵەکانی مۆندیالی 2018 رادەکێشرێت و تیروپشکەکەش لە ھۆڵی ئاھەنگەکانی کۆشکی کرملین و بەبەشداری چەندین گەورە کەسایەتی و دەزگای میدیایی بەرێوەدەچێت .
32 ھەڵبژاردە بەشدارەکە بەسەر ھەشت کۆمەڵەدا دابەش دەکرێن و جگە لە ھەڵبژاردەکانی کیشوەری ئەوروپا، رێگا نادرێ دوو ھەڵبژاردەی ھیچ کیشوەرێک لە کۆمەڵەیەکدا کۆبکرێنەوە.
ئەو 32 ھەڵبژاردەیەی بۆ مۆندیال سەرکەوتوون بەسەر چوار ئاستدا دابەش کراون و ئاستی یەکەم سەرکردایەتی ھەر ھەشت کۆمەڵە دەکەن و روسیای رێکخەریش لە کۆمەڵەی یەکەمدا یاری دەکات.
ئه‌و چوار ئاسته‌كه‌ی كه دابه‌شكراون به‌م شێوه‌یه‌ی خواره‌وه‌ن:
ئاستی یەکەم :
روسیا، ئەڵمانیا، بەرازیل، پرتوگال، ئەرژەنتین، بەلژیکا، پۆڵەندا، فەرەنسا.
ئاستی دووەم:
ئیسپانیا، پیرۆ، سویسرا، ئینگلتەرا، کۆڵۆمبیا، مەکسیک، ئۆرۆگوای، کرواتیا.
ئاستی سێیەم:
دانیمارک، ئایسلەندا، کۆستاریکا، سوید، تونس، میسر، سەنیگال، ئیران.
ئاستی چوارەم:
سڕبیا، نەیجیریا، ئوسترالیا، ژاپۆن، مەغریب، پەنەما، کۆریای باشور، سعودیە.
یارییەکانی مۆندیالی روسیا رۆژی 14/6/2018 دەستپێدەکات و رۆژی 15/7/2018 یاریی کۆتایی پاڵەوانێتیەکە بەرێوەدەچێت.
کۆمێنت (0)
تا ئێستا هیچ کۆمێنتێک نەکراوە.