له‌ئاكامی داڕمانی خانووی خێزانێكی كورد سێ كه‌س گیانیان له‌ده‌ستدا و ٥ كه‌سی دیكه‌ش برینداربوون.
له شارۆچكه‌ی شیروانی سه‌ربه سێرت له باكووری كوردستان له ئه‌نجامی داڕمانی خانوویه‌كی دوو نهۆمی قوڕ، سێ كه‌سی یه‌ك خێزانی كورد گیانیان له‌ده‌ستدا و ٥ كه‌سی دیكه‌ش برینداربوون.
به‌پێی ئه‌و زانیارییانه‌ی ده‌ستكه‌وتوون، له گوندی سۆغانڵیی سه‌ربه شارۆچكه‌ی شیروان، خانوویه‌كی دوو نهۆمی قوڕ داڕماوه و تا ئێستاش هۆكاری داڕمانه‌كه‌ی نه‌زانراوه.
دوای رووداوه‌كه‌ش تیمه‌كانی ئافاد ده‌گه‌نه ناوچه‌كه و به هاوكاریی دانیشتوانی گونده‌كه هه‌وڵی رزگاركردنی ئه‌و كه‌سانه‌یان داوه كه له‌ژێر داروپه‌ردووی خانووه‌كه‌دا داڕماوه‌كه‌دا ماونه‌ته‌وه.
ئه‌وه‌ش زانراوه كه سێ له‌و كه‌سانه‌ی له ژێر داروپه‌ردووه‌كان ده‌رهێنراون، گیانیان له‌ده‌ستداوه و ٥ی دیكه‌یان بریندارن.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.