قایمقامی قه‌زای خورماتو رایده‌گه‌ێنێ، هێزه‌كانی حه‌شدی توركمانی له خورماتو تاوانی جه‌نگیان به‌رانبه‌ر كورد ئه‌نجامداوه‌و بۆ ئه‌و مه‌به‌سته‌ش نه‌ته‌وه یه‌كگرتووه‌كان و كونسولخانه‌ی ئه‌مه‌ریكایان ئاگاداركردۆته‌وه.
شه‌لال عه‌بدول ، قایمقامی خورماتو، به‌ده‌نگی ئه‌مه‌ریكای راگه‌یاندووه: له‌سه‌ر ئه‌و تاوانانه‌ی له‌خورماتو ده‌رهه‌ق به‌كورد كراون، به‌ڵگه‌و دیكۆمێنتیان داوه‌ته رێكخراوه نێوده‌وڵه‌تیه‌كان و نه‌ته‌وه یه‌كگرتوه‌كان و كونسوڵخانه‌ی ئه‌مه‌ریكاو حكومه‌تی عێراق.
هه‌روه‌ها گوتی: له‌خورماتو تاوانی جه‌نگ ئه‌نجامدراوه، هه‌ندێك تاوان به‌رانبه‌ر كورده‌كان كراوه كه ئه‌و تاوانانه ده‌چنه چوارچێوه‌ی جینۆسایده‌وه، توندوتیژی زۆر به‌كارهێنراوه و سوكایه‌تی به‌ته‌رم كراوه، ماڵ و خانو سوتێنراون و ته‌قێنراونه‌ته‌وه.
گوتیشی: حكومه‌تی عێراق به‌دۆخه‌كه نیگه‌رانه، به‌ڵام هیچ ئیجرائاتێكیشی نه‌كردووه، هه‌وڵدرا هێزی سه‌رۆكایه‌تی كۆمار ره‌وانه‌ی خورماتو بكرێت قبوڵیان نه‌كرد.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.