له‌ئاکامی ده‌ست رێژی گوللـە له‌ ناو بازاڕی سلێمانی سێ هاووڵاتی برینداربوون

له‌ناو بازاڕی شاری سلێمانی هاووڵاتیه‌ك ده‌ستڕێژی گوللـە ده‌كات و له‌ئاكامدا سێ هاووڵاتی بریندار ده‌كات.

به‌ڕێوه‌به‌رایه‌تی پۆلسی سلێمانی رایگه‌یاند: پاشنیوه‌ڕۆی ئه‌مڕۆ 7-11-2017 له‌به‌رده‌ركی سه‌را له‌ناو بازاڕی شاری سلێمانی هاووڵاتیه‌ك ده‌ستڕێژی گوللـەی كردووه‌و به‌وهۆیه‌شه‌وه‌ سێ هاووڵاتی برینداربوون و ئه‌و تۆمه‌تباره‌شی ته‌قه‌كانی كردووه‌ له‌گه‌ڵ یه‌كێك له‌برینداره‌كان كێشه‌ی هه‌بووه‌.

هه‌روه‌ها پۆلیس ده‌ڵێ: دوای گه‌یشتنی ده‌ستبه‌جێی هێزه‌كانی پۆلیس ته‌قه‌كه‌ره‌كه‌ ده‌ستگیركراو برینداره‌كانیش بۆ نه‌خۆشخانه‌ی فریاكه‌وتنی سلێمانی گوازراونه‌ته‌وه‌و باری ته‌ندروستیشیان جێگیره‌، له‌ئێستاشدا هێزه‌كانی پۆلیس لێكۆڵینه‌وه‌یان له‌ باره‌ی روداوه‌كه‌وه‌ ده‌ستپێكردووه‌.