حكومه‌تی ترامپ نیازی ئه‌وه‌ی هه‌یه به‌شێوه‌ی راسته‌وخۆ گفتوگۆ له‌گه‌ڵ كۆریای باكوور بكات و به‌رپرسێكی باڵای ئه‌مریكاش له بنكه‌ی سه‌ركی نه‌ته‌وه یه‌كگرتووه‌كان له‌گه‌ڵ َوه‌فدی نوێنه‌رایه‌تیی كۆریای باكوور گفتوگۆی كردووه .
سه‌باره‌ت به‌م هه‌واڵه به‌رپرسێكی پله باڵای وه‌زاره‌تی ده‌ره‌وه‌ی ئه‌مریكا رایگه‌یاندووه كه جۆزف یۆزن دانووستانكاری باڵای وه‌زاره‌تی ده‌ره‌وه‌ی وڵاته‌كه‌ی له بنكه‌ی سه‌ره‌كی رێكخراوی نه‌ته‌وه‌یه‌كگرتووه‌كان گفتوگۆی له‌گه‌ڵ وه‌فدی نوێنه‌رایه‌تیی كۆریای باكوور كردووه .
له‌لایه‌كی دیكه‌وه دۆناڵد ترامپی سه‌رۆك كۆماری ئه‌مریكا پێشتر رایگه‌یاندبوو كه گفتوگۆ له‌گه‌ڵ كۆریای باكوور بێسووده .
به‌ڵام ریكس تیله‌رسن وه‌زیری ده‌ره‌وه‌ی ویلایه‌ته یه‌كگرتووه‌كانی ئه‌مریكا ناوه‌ڕاستی مانگی رابردوو رایگه‌یاند: تا ئه‌وكاته‌ی یه‌كه‌م بۆمب نه‌كه‌وتووه‌ته خواره‌وه، هه‌وڵده‌دات بۆ سه‌ركه‌وتن له رێگه‌ی گفتوگۆی دیپلۆماسییانه .
سه‌رچاوه / رادیۆی ده‌نگی ئه‌مریكا
مه‌سعود مه‌عروف / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.