له‌كاتێكدا كه بڕیاره جێگری سه‌رۆك كۆماری ئه‌مریكا سه‌ردانی ئیسرائیل و میسڕ بكات و سه‌باره‌ت به به‌ره‌نگاربوونه‌وه‌ی تیرۆر و تێكچوونی ئاسایش له ناوچه‌كه‌دا گفتوگۆ له‌سه‌ر رێكاری تازه بكات، رۆژنامه‌یه‌كی ئه‌مریكی نووسیویه‌تیی كه ته‌نانه‌ت دوای شكستی یه‌كجاریی داعش، هێشتا پێویسته هێزه ئه‌مریكییه‌كان له چه‌ند شوێنێكی ستراتیژیی رۆژهه‌ڵاتی ناوه‌ڕاست بمێننه‌وه .
راپۆرتی رۆژنامه‌كه له‌كاتێكدایه كه گروپه تیرۆریستییه‌كان چالاكییه‌كانی خۆیان له میسڕ زیاتر كردووه و شاره‌زایانیش پێیان وایه ئێران هێشتا به‌رده‌وامه له پاڵپشتیی كردنی تیرۆر .
رۆژنامه‌ی جروزالم پۆستیش نووسیویه‌تی كه بڕیاره مایك پێنس جێگری سه‌رۆك كۆماری ئه‌مریكا له‌گه‌ڵ رێبه‌رانی ئیسڕائیل و فه‌ڵه‌ستین و میسڕ گفتوگۆ بكات تا هه‌وڵه‌كانی دۆناڵد ترامپی سه‌رۆك كۆماری ئه‌مریكا بۆ به‌ره‌و پێشه‌وه بردنی پرسی ئاشتی نێوان ئیسڕائیل و فه‌ڵه‌ستین به‌هێزتر بكات .
ئاسۆ شێیتد پرێسیش سه‌باره‌ت به‌م بابه‌ته نووسیویه‌تی كه ئه‌ركه‌كی دیكه‌ی مایك پێنس له‌م سه‌ردانه‌دا، گفتوگۆ له‌گه‌ڵ سه‌رۆكه‌كانی وڵاتانی ئه‌م ناوچه‌یه بۆ راوه‌ستان له به‌رامبه‌ر زێده‌خوازیی و هه‌ژموونی ئێران .
سه‌باره‌ت به هه‌موو ئه‌م پرسه گرنگانه رۆژنامه‌ی واشنتن فری بێكن نووسیویه‌تی كه ته‌نانه‌ت دوای شكستی یه‌كجاریی داعش، هێشتا پێویسته سه‌ربازانی ئه‌مریكیی له چه‌ند ناوچه‌یه‌كی رۆژهه‌ڵاتی ناوه‌ڕاست بمێننه‌وه .
سه‌رچاوه / ده‌نگی ئه‌مریكا
مه‌سعود مه‌عروف / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.