پاكێجی یارمه‌تی 3 ملیار یۆرۆیی یه‌كێتیی ئه‌وڕوپا بۆ توركیا، له چه‌قی سیاسه‌ته‌كانی ئه‌نگێلا مێركلدا بوو بۆ پرسی یارمه‌تییدانی په‌نابه‌ران، به‌ڵام له ئێستادا حكومه‌تی ئه‌ڵمانیا خوازیاری كه‌م كردنه‌وه‌ی پشكی ئه‌ڵمانیا تاوتوێ ده‌كات .
سه‌رچاوه‌ی ئه‌م هه‌واڵه هه‌فته‌نامه‌ی شپیگلی ئه‌ڵمانییه كه له نامه‌ی چه‌ند وڵاتێكی ئه‌وڕوپی ده‌ستیكه‌وتووه و ئه‌م وڵاتانه یارمه‌تییده‌رانی دارایی كۆمیسیۆنی په‌نابه‌رانی یه‌كێتیی ئه‌وڕوپان، ئه‌و نامه‌یه‌ش وڵاتانی نه‌مسا و دانیمارك و فینلاند و فه‌ڕه‌نسا و سوید و ئه‌ڵمانیا ناردوویانه بۆ كۆمیسیونی په‌نابه‌رانی یه‌كێتیی ئه‌وڕوپا .
جێگه‌ی ئاماژه‌یه كه له چوار چێوه‌ی رێككه‌وتنی ئه‌وڕوپا له‌گه‌ڵ توركیا له مانگی نۆڤه‌مبه‌ری 2015ـدا، توركیا پابه‌ند بووه به‌وه‌ی كه ئه‌و په‌نابه‌ر و ئاواره ئابوورییانه و ئه‌وانه‌ی له یۆنان ده‌ركراون وه‌ریانبگرێت، هه‌روه‌ها بۆ نیشته‌جێ كردنی ئاواره‌كانی جه‌نگی سووریا و دابین كردنی پێداویستییه‌كانیان، بڕی 6 ملیار یۆرۆ به دوو قۆناغ وه‌رگرێت. به‌ڵام تا ئێستا رێك ئه‌و بڕه پاره‌یه به دیاریكراوی نه‌گه‌یشتووه‌ته ده‌ست حكومه‌تی توركیا .
له‌لایه‌كی دیكه‌وه كۆمیسۆنی یه‌كێتیی ئه‌وڕوپا پێیوایه پێدانی یارمه‌تیی زیاتر به توركیا نادیده گرتنی بارودۆخی وڵاتانی قه‌یران لێدراوی وه‌ك لیبیایه، هه‌ر له‌به‌ر ئه‌وه‌ش نیازی كه‌م كردنه‌وه‌ی ئه‌و یارمه‌تییه له ئارادایه .
سه‌رچاوه / ماڵپه‌ڕی دی ده‌بلیوو
مه‌سعود مه‌عروف / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.