ئه‌مرۆ په‌رله‌مانی كوردستان كۆده‌بێته‌وه و جێگری سه‌رۆكی په‌رله‌مانی كوردستانیش رایگه‌یاندووه كه نامه‌یه‌كی سه‌رۆك مه‌سعود بارزانی، سه‌رۆكی هه‌رێمی كوردستان، گه‌یشتووه‌ته په‌رله‌مان و له دانیشتنی ئه‌مرۆی په‌رله‌مانی كوردستاندا بڕیاره ئه‌و نامه‌یه بخوێندرێته‌وه.
ده‌نگۆی ده‌ست له‌كاركێشانه‌وه‌ی سه‌رۆك بارزانی راست نییه و ئه‌وه‌ی هه‌یه ته‌نیا ئه‌وه‌یه كه سه‌رۆك بارزانی رازی نییه ماوه‌ی سه‌رۆكایه‌تی درێژ بكرێته‌وه و هه‌مواری یاساكه‌ی بكرێت.
سه‌رۆك بارزانی له دوای كۆتایهاتنی ماوه‌ی سه‌رۆكایه‌تی هه‌رێم به‌رده‌وام ده‌بێت له كاری سیاسی خۆی و به قورساییه‌كی زیاتره‌وه له گۆڕه‌پانی سیاسی كوردستان ده‌مێنێته‌وه و وه‌ك مه‌رجه‌عێك بۆ پرسی كورد درێژه به كاری سیاسی خۆی ده‌دات.
کۆمێنت (0)
تا ئێستا هیچ کۆمێنتێک نەکراوە.