وه‌زیری به‌رگریی ئه‌مریكا پێیوایه كه هه‌ڕه‌شه‌ی كۆریای باكوور له رێگه‌ی موشه‌كه ئه‌تۆمییه‌كانییه‌وه وا په‌ره ده‌سه‌نێت، ناوبراو جه‌ختیشی كرده‌وه كه ئه‌مریكا هه‌رگیز كۆریای باكووری پڕچه‌ك به چه‌كی ئه‌تۆمیی قبوڵ ناكات .
جێمز ماتیس وه‌زیری به‌رگری ئه‌مریكا له كۆنگره‌یه‌كی رۆژنامه‌نیدا كه له‌گه‌ڵ وه‌زیری به‌رگریی كۆریای باشوور تێیدا ئاماده‌بوون، هۆشداریدا له پێشكه‌وتنی خێرای پرۆگرامه ئه‌تۆمیی و موشه‌كییه‌كه‌ی كۆریای باكوور و وتیشی نه‌ك ته‌نیا ئه‌و پرۆگرامانه ئاسایش بۆ ئه‌م وڵاته دابین ناكه‌ن، به‌ڵكو تووشی مه‌ترسیی زیاتریشی ده‌كه‌ن .
هه‌روه‌ها پیۆنگ یانگی تاوانبار كرد به په‌ره‌پێدانی پرۆگرامی ئه‌تۆمیی و موشه‌كیی ناپێویست و جه‌ختیشی كرده‌وه كه ئه‌گه‌ر كۆریای باكوور هێرش بكاته سه‌ر ئه‌مریكا یان هه‌ركام له هاوپه‌یمانه‌كانیی، ئه‌وا شكست ده‌خوات .
وه‌زیری به‌رگری ویلایه‌ته یه‌كگرتووه‌كانی ئه‌مریكا ئاماژه‌ی به‌وه‌شدا كه كۆریای باكوور ره‌فتاری یاخیكارانه‌ی گرتووه‌ته‌به‌ر و ئه‌مریكاش هیچكات كۆریای باكوور به چه‌كی ئه‌تۆمییه‌وه قبوڵ ناكات .
سه‌رچاوه / رادیۆ فه‌ردا
مه‌سعود مه‌عروف / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.