ئه‌نجوومه‌نی ئاسایشی هه‌رێمی كوردستان،رایده‌گه‌ێنێ، سوپای عێراق و حه‌شدی شه‌عبی به پاڵپشتی هێزه ئێرانییه‌كان به‌نیازن هێرش بكه‌نه سه‌ر هێزه‌كانی پێشمه‌رگه له‌باكووری رۆژئاوای موسڵ.
ئه‌نجوومه‌نی ئاسایشی هه‌رێمی كوردستان له راگه‌یێندراوێكدا كه ئه‌مڕۆ پێنجشه‌ممه بڵاویكردۆته‌وه، رایگه‌یاند: سوپای عێراق و حه‌شدی شه‌عبی به پاڵپشتی هێزه ئێرانییه‌كان به‌نیازن هێرش بكه‌نه سه‌ر هێزه‌كانی پێشمه‌رگه له‌باكووری رۆژئاوای موسڵ، ئه‌مه سه‌ره‌ڕای ده‌ستپێشخه‌رییه‌كه‌ی حكومه‌تی هه‌رێمی كوردستان بۆ راگرتنی شه‌ڕ.
ئه‌نجوومه‌نی ئاسایش ده‌شڵێ ، سوپاع عێراق و حه‌شدی شه‌عبی به پاڵپشتی هێزه ئێرانییه‌كان، چه‌كی قورسیان له زوممار و ره‌بیعه داناوه بۆ هێرشكردنه سه‌ر پێشمه‌رگه، كه له‌نێو چه‌كه‌كاندا تۆپهاوێژ تانك و هامه‌ری ئه‌مریكی هه‌ن.
کۆمێنت (0)
تا ئێستا هیچ کۆمێنتێک نەکراوە.