تا دێت ده‌ستدرێژی و كاولكارییه‌كانی حه‌شدی شه‌عبی و میلیشیا شیعه‌كان بۆ سه‌ر ماڵه كورده‌كانی دووزخورماتوو زیاتر ده‌بێت، له درێژه‌ی ئه‌و كاولكاریانه ئه‌مڕۆ ماڵی دكتۆر كامیل به‌رێوه‌به‌ری گشتی نه‌خۆشخانه‌ی فریاكه‌وتنی دووزخورماتوو ته‌قێنرایه‌وه .
دوای ئه‌وه‌ی حه‌شدی شه‌عبی ده‌ستى به‌سه‌ر شارۆچكه‌ی دووزخورماتوو دا گرت كه‌وته راوه‌دوونان و كوشتنی هاووڵاتیانی كورد له‌و شارۆچكه‌یه‌و ناچاری كردن كه ماڵ و موڵكیان جێبهێڵن و ئاواره‌ی شارو شاره‌دێكانی تری كوردستان ببن، تائێستاش زۆربه‌ی زۆری ماڵه كورده‌كانی دوای به تاڵان بردنی ئاگر تێ به‌رداون و سووتاندوونیه‌تى، هه‌ر ئه‌مڕۆش دوای ئه‌وه‌ی له لایه‌ن چه‌كدارانی حه‌شدی شه‌عبیه‌وه ماڵی به‌ڕێوه‌به‌ری نه‌خۆشخانه‌ی فریاكه‌وتنی دووزخورماتوو تاڵانكرا دواتر ته‌قێنرایه‌وه .
کۆمێنت (0)
تا ئێستا هیچ کۆمێنتێک نەکراوە.