حوسێن یه‌زدانپه‌نا، فه‌رمانده‌ی هێزه‌كانی پێشمه‌رگه‌ی پارتی ئازادیی كوردستان به رۆژنامه‌ی شه‌رقولئه‌وسه‌تی راگه‌یاندووه: قاسم سوله‌یمانی، فه‌رمانده‌ی سوپای قودسی ئێرانی به‌شێوه‌یه‌كی راسته‌وخۆ سه‌رپه‌رشتی پیلانگێڕیی ئێران بۆ داگیركردنی كه‌ركوك له رێگای میلیشیاكانی حه‌شدی شه‌عبی ده‌كات.
ده‌شڵێ: قاسم سوله‌یمانی فه‌رمانده‌یی هه‌ڵمه‌ته‌كانی دژایه‌تی كوردستان ده‌كات و هه‌وڵ ده‌دات بیره نه‌وته‌كانی كه‌ركووك بگێڕێته‌وه ژێر ده‌سه‌ڵاتی به‌غدا.
به‌پێی زانیارییه‌كانی رۆژنامه‌ی شه‌رقولئه‌وسه‌ت، ئێران هه‌وڵ ده‌دات دووبه‌ره‌كی بخاته نێوان حزبه‌كانی كوردستان و له هه‌مانكاتیشدا ده‌یه‌وێ شاری كه‌ركوك بگه‌ڕێنێته‌وه سه‌ر به‌غدا،چونكه به‌غدا تاكه هاوپه‌یمانی سه‌ره‌كی ئێرانه له رۆژهه‌ڵاتی ناوه‌ڕاست.
كوردستان تیڤی: رزگار تاهیر
کۆمێنت (0)
تا ئێستا هیچ کۆمێنتێک نەکراوە.