بەپێی هەواڵێکی پزیشکی ماڵپەڕی buzzkito توێژینەوەیەکی ئەڵمانی باس لە سوودەکانی گوڵەبەڕۆژە دەکات بۆ لەش، بەهۆی ئەوەی سەرچاوەی پڕۆتین و ترشی فۆلیکە، ئەم پێکهاتانەش زۆر بەسوودن بەتایبەت بۆ خانمانی دووگیان، چونکە ڕێژەی مەگنسیۆمی لەش ڕادەگرێت، کە بۆ یەکسانی هۆڕمۆنەکان گرنگە.
گوڵە بەڕۆژە ماددەیەکی تێدایە، بە ناوی فایتوسیترول ، کە دەبێتە هۆی ڕاگرتنی پەستانی خوێن و کەمکردنەوەی، جگە لەوەش گوڵە بەڕۆژە خۆراکێکە چەوریەکەی تێیدایە زۆر بەسوودە بۆ لەش، بەهۆی بوونی ڤیتامین E دڵ و خوێنبەرەکان لە نەخۆشی و بەرزبوونەوەی کۆلیسترۆل دەپارێزێت.
گوڵە بەڕۆژە سەرچاوەی ماددەی "سیلینیۆمە"، کە دەبێتە هۆی بەهێزکردنی بەرگری لەش دژی شێرپەنجە، ڕێگە لە گەشەکردنی دەگرێت.
كوردستان تیڤی / سامان زاهیر
کۆمێنت (0)
تا ئێستا هیچ کۆمێنتێک نەکراوە.