بزانه‌ تره‌مپ به‌ته‌له‌فۆن قسه‌ی له‌گه‌ڵ کێ کردووه‌

دۆناڵد تره‌مپ سه‌رۆكی ئه‌مریكا له‌ په‌یوه‌ندییه‌كی ته‌له‌فۆنیدا له‌گه‌ڵ شێخ محه‌مه‌د بن زاید ئالنهه‌یان جێنشینی ئه‌بوزه‌بی، تاوتوێی گرژییه‌كانی ژماره‌یه‌ك له‌ وڵاتانی عه‌ره‌بیان له‌ باره‌ی قه‌ته‌ر كرد.

له‌مباره‌یه‌وه‌ كۆشكی سپی راگه‌یه‌نراوێكی بڵاوكرده‌وه‌ كه‌ تیایدا هاتووه‌: ئه‌مڕۆ دۆنالد تره‌مپ له‌ په‌یوه‌ندییه‌كی ته‌له‌فۆنیدا له‌گه‌ڵ جێنشینی ئه‌بوزه‌بی، شێخ محه‌مه‌د بن زاید ئالنهه‌یان له‌باره‌ی هه‌وڵه‌كانی چاره‌سه‌ركردنی گرژییه‌كان له‌گه‌ڵ قه‌ته‌ر گفتوگۆیان كرد.

تره‌مپ ئاماژه‌ی به‌ گرنگی یه‌كڕیزی نێوان هاوبه‌شه‌كانی كرد له‌ ناوچه‌كه‌ و به‌ پێویستیشی زانیووه‌ وڵاتان رۆڵی كاریگه‌رتر بگێڕن له‌ وشككردنی سه‌رچاوه‌ داراییه‌كانی رێكخراوه‌ تیرۆریستییه‌كان، به‌ره‌نگاری بیری توندڕه‌وی ببنه‌وه‌ و شكست به‌ تیرۆریستان بهێنن.