سكرتێری حزبی سۆسیالیست دیموكراتی كوردستان، داوا له ،گۆڕان و كۆمه‌ڵ ده‌كات ،بێنه ناو پرۆسه‌ی سه‌رخستنی ریفراندۆم و هه‌ست به به‌رپرسیارییه‌تی بكه‌ن.
دوای ئه‌وه‌ی ئه‌نجوومه‌نی باڵای ڕیفراندۆم رایگه‌یاند، كه حزب و لایه‌نه‌كانی به‌شدار له ئه‌نجوومه‌نی باڵای ڕیفراندۆم ڕێككه‌وتن كه ڕۆژی پێنجشه‌ممه 14ـی 9ـی 2017 په‌رله‌مانی كوردستان كارا بكرێته‌وه و دانیشتنی ئاسایی خۆی ده‌ست پێ بكاته‌وه. محه‌مه‌دی حاجی مه‌حموود سكرتێری حزبی سۆسیالیست دیموكراتی كوردستان راگه‌یاند، رێككه‌وتنی نێوان پارتی دیموكراتی كوردستان و یه‌كێتی نیشتمانی كوردستان سه‌دا حه‌فتای كێشه و قه‌یرانه‌كانی هه‌رێمی كوردستان چاره‌سه‌ر ده‌كات.
هه‌روه‌ها محه‌مه‌دی حاجی مه‌حمود داواشی له بزووتنه‌وه‌ی گۆڕان و كۆمه‌ڵی ئیسلامی كوردستان كرد، بێنه ناو پرۆسه‌ی سه‌رخستنی ریفراندۆم و زیاتر هه‌ست به به‌رپرسیاریه‌تی و ئه‌ركی سه‌ر شانی خۆیان بكه‌ن.
کۆمێنت (0)
تا ئێستا هیچ کۆمێنتێک نەکراوە.