پارێزگار و سه‌رۆكی لێژنه‌ی ئه‌منی شاری هه‌ولێر رایده‌گه‌ێنێ، ڕێگه نادرێت به‌هیچ شێوه‌یه‌ك شه‌قام، ڕێگه‌ی گشتی و پرده‌كان بگیرێت، هه‌روه‌ها ڕێگه نادرێت جام و ژماره‌ی ئۆتۆمبێل داپۆشرێت و فه‌ڕاڕه‌ی ژاوه‌ژاوی پێوه بكرێت .
نه‌وزاد هادی پارێزگار و سه‌رۆكی لێژنه‌ی ئه‌منی شاری هه‌ولێر، له ئاگادارییه‌كدا رایده‌گه‌ێنێ، له‌پێناو سه‌ركه‌وتنی پرۆسه‌ی ڕیفراندۆم و به‌ڕێوه‌چوونی بانگه‌شه‌ی جه‌ماوه‌ر و ڕێكخراوه‌كانی كۆمه‌ڵگه‌ی مه‌ده‌نی و قه‌واره سیاسییه‌كان و به‌شێوه‌یه‌كی یاسایی، ڕێگه نادرێت به‌هیچ شێوه‌یه‌ك شه‌قام، ڕێگه‌ی گشتی و پرده‌كان بگیرێت، هه‌روه‌ها ڕێگه نادرێت جام و ژماره‌ی ئۆتۆمبێل داپۆشرێت و فه‌ڕاڕه‌ی ژاوه‌ژاوی پێوه بكرێت و ببێته مایه‌ی جاڕزكردنی خه‌ڵك و شێواندنی ڕه‌وشی ئارامی.
له ئاگادارییه‌كه‌دا باس له‌وه‌ش كراوه، كه نابێت پۆسته‌ر و له‌زگه له شوێنی ڕێگه‌پێنه‌دراو هه‌ڵبواسرێت و هه‌ر سه‌رپێچییه‌كیش دووچاری لێپێچینه‌وه ده‌بێته‌وه.
پارێزگاری هه‌ولێر له ئاگادارییه‌كه‌دا ده‌شڵێت: هیوادارین خه‌ڵكی كوردستان، به تایبه‌تیش جه‌ماوه‌ری پایته‌خت وێڕای گه‌رموگوڕی و حه‌ماسی نیشتمانی بۆ سه‌ربه‌خۆیی و مافی چاره‌نووس، به ته‌واوی پێكهاته و ئاڕاسته سیاسییه‌كانییه‌وه، نموونه‌یه‌كی یه‌كجار جوان له ته‌بایی، یه‌كده‌نگی، باوه‌ڕبه‌خۆبوون، پابه‌ندبوون به ڕێنمایی و ڕه‌هه‌نده نیشتمانییه‌كانه‌وه، ئه‌م پڕۆسه گرنگ و چاره‌نووسسازه به سه‌ركه‌وتوویی به ئاكام بگه‌یه‌نێت.
کۆمێنت (0)
تا ئێستا هیچ کۆمێنتێک نەکراوە.