ئاژانسی هەواڵی "سەبا" لە سەنعا ڕایگەیاند، فڕۆکە جەنگییەکانی سعوودیە وێستگەیەکی کۆمپانیای نەوتی یەمەنیان لە پارێزگای حودەیدە و چەند ناوچەیەکی دیکەیان لە پارێزگای حەججە بۆردومان کردووە و بەهۆیەوە سێ هاووڵاتی بریندار بوون.
ئەمڕۆ شەممە 10ـی تشرینی یەکەمی 2026، ئاژانسی دەنگوباسی یەمەنی "سەبا" لە سەنعا بڵاوی کردەوە: فڕۆکە جەنگییەکانی سعوودیە هێرشی ئاسمانییان کردووەتە سەر وێستگەیەکی سەر بە کۆمپانیای نەوتی یەمەن لە پارێزگای حودەیدە.
ئاژانسەکە لە زاری سەرچاوەکانییەوە بڵاویکردووەتەوە، فڕۆکە جەنگییەکانی سعوودیە شەش هێرشی ئاسمانییان کردووەتە سەر شارەدێی "عەبس" لە پارێزگای حەججە لە باکووری ڕۆژئاوای یەمەن، هاوکات لە هێرشێکی دیکەدا وێستگەیەکی سەر بە کۆمپانیای نەوتی یەمەنیان لە شارەدێی "باجل" لە پارێزگای حودەیدەی سەر کەناراوەکانی دەریای سوور کردووەتە ئامانج.
لە بەشێکی دیکەی ئاماژەی بەوە کردووە، لە ئەنجامی ئەو بۆردومانە ئاسمانییانەدا، سێ هاووڵاتیی مەدەنی بریندار بوون.
کۆمێنت (0)
تا ئێستا هیچ کۆمێنتێک نەکراوە.