وەزارەتی پەروەردەی حکوومەتی هەرێمی کوردستان، بەپێی نووسراوێکی فەرمیی بەڕێوەبەرایەتیی گشتیی ئەزموونەکان، بڕیاری نوێی سەبارەت بە سیستەمی پەڕینەوە (عبور) بۆ ساڵی خوێندنی 2027-2028 ڕاگەیاند.
ئەمڕۆ دووشەممە 21ـی ئەیلوول، وەزارەتی پەروەردەی حکوومەتی هەرێمی کوردستان ڕایگەیاند: لە کۆبوونەوەی ئەنجومەنی وەزیران بڕیار درا بە هەڵوەشانەوەی بابەتی پەڕینەوە (عبور) بۆ سەرجەم پەیمانگەکان لە ساڵی خوێندنی (2027-2028) و بە دواوە.
وەزارەتی پەروەردە ڕاشیگەیاند: هەڵوەشاندنەوەی دەرچوو لە یەک بابەت (40)نمرە و زیاتر لە پۆلەکانی (4-11) لە ساڵی خوێندنی (2027-2028) و بەدواوە پێویستە قوتابی/ خوێندکار سەرجەم بابەتەکان نمرەی دەرچوون (50) و بەسەرەوە بەدەست بهێنێت پاش سوودمەند بوون لە (5) نمرەی بڕیار.
ئەم بڕیارە ئاراستەی سەرجەم بەڕێوەبەرایەتییە گشتییەکانی پەروەردە لە پارێزگا و ئیدارە سەربەخۆکان کراوە تاوەکو کاری پێ بکەن.
کۆمێنت (0)
تا ئێستا هیچ کۆمێنتێک نەکراوە.