نامۆ فازیڵ لە یارییەکی MMAدا بەرامبەر ڕکابەرە بەڕازیلییەکەی تووشی شکست هات
نامۆ فازیڵ، یاریزانی کوردی هونەری جەنگیی تێکەڵ (MMA)، لە نوێترین ڕووبەڕووبوونەوەی پیشەگەرانەیدا نەیتوانی سەرکەوتن بەسەر ڕکابەرە بەڕازیلییەکەی، کایک بریتۆ، بەدەستبهێنێت.
لە یارییەکەدا کە ئاستێکی بەرزی ڕکابەریی تێدا بینرا، فازیڵ بە "نۆکئاوت" و لێدانی بەهێز و دەستبەجێی بریتۆ، تووشی شکست هات و لە رکابەرییەکە کرایە دەرەوە.
ئەم شکستەی یاریزانە کوردەکە لە کاتێکدایە کە هیوایەکی زۆری لەسەر هەڵچنرابوو بۆ تێپەڕاندنی ئەم قۆناغە، بەڵام هێز و خێرایی لێدانەکانی کایک بریتۆ بوونە هۆی ئەوەی یارییەکە پێش کۆتایی هاتنی کاتی یاسایی بە زیانی نامۆ فازیڵ یەکلایی ببێتەوە.
نامۆ فازیڵ وەک یەکێک لە یاریزانە دیارەکانی کورد لە جیهانی هونەرە جەنگییە تێکەڵەکاندا دەناسرێت و ئەم ڕووبەڕووبوونەوەیەش بە یەکێک لە تاقیکردنەوە سەختەکانی کاروانی وەرزشیی ئەو دادەنرێت.
کۆمێنت (0)
تا ئێستا هیچ کۆمێنتێک نەکراوە.