ئهمڕۆ هەینی، بنیامین نهتانیاهۆ، سەرۆکوەزیرانی ئیسرائیل دووپاتیکردەوە کە هێزەکانی سوپای وڵاتهكهی لە لوبنان دەمێننەوە تا ئهو كاتهی پێویست بێت، هەڕەشەی ئهوهشی کرد، دوای ڕاگەیاندنی کوژرانی چوار سەربازی ئیسرائیلیی دهبێت حزبوڵڵا باجێکی زۆر قورس بدات.
نەتانیاهۆ لە بەیاننامەیەکدا ڕایگەیاندووه، سوپای ئیسرائیل تا ئەوکاتەی پێویست بێت بۆ پاراستنی شارۆچکەکانی باکووری ئیسرائیل لە ناوچەی ئەمنی باشووری لوبنان دەمێنێتەوە. ئهمهش پهیوهسته به سیاسهتی خۆپارێزی نهك داگیركاریی.
ئاماژەی بەوەشکرد، ئیسرائیل بەرگەی هیچ هێرشێک ناگرێت كه بكرێته سهر سهربازهكانی و خاكهكهی و بهدڵنیایی وهڵامی توندی دهبیت.
لای خۆیەوە، ئیسرائیل کاتز، وەزیری بەرگریی ئیسرائیل، هۆشداریدا لەوەی ئیسرائیل بە هێزێکی زۆرەوە وەڵامی هەر هێرشێکی حزبوڵڵا دەداتەوە.
کۆمێنت (0)
تا ئێستا هیچ کۆمێنتێک نەکراوە.