مەكتەبی سیاسیی پارتی دیموكراتی كوردستان پەیامێكی پیرۆزبایی ئاراستەی سەرۆك و ئەندامانی یەكێتی نیشتیمانی كوردستان كرد بەبۆنەی 51 ساڵەی دامەزراندنی حزبەكەیانەوە.
مەكتەبی سیاسی پارتی لە پەیامەكەدا هەروەها رایگەیاند "جارێكی دیكە جەخت لەسەر هەماهەنگی و تەبایی نێوان سەرجەم هێز و لایەنە سیاسییەكانی كوردستان بۆ چارەسەركردنی ڕاست و دروستی كێشە و پرسە هەنووكەییە چارەنووسسازەکان دەكەینەوە".
دەقی پەیامی پیرۆزبایی مەكتەبی سیاسیی پارتی بە بۆنەی ساڵیادی دامەزراندنی یەكێتیی نیشتیمانیی كوردستان:-
بەڕێز/ بافڵ جەلال تاڵەبانی سەرۆکی یەکێتیی نیشتیمانیی کوردستان
بەڕێزان/ ئەندامانی مەكتەبی سیاسی و ئەنجوومەنی باڵای سیاسی و بەرژەوەندیی یەكێتیی نیشتیمانیی كوردستان
بە بۆنەی(51)مین ساڵیادی دامەزراندنی یەكێتیی نیشتیمانیی كوردستان، پیرۆزباییەكی گەرم لە ئێوەی بەڕێز و کادیر و ئەندام و لایەنگرانی یەکێتی دەكەین و، هیوای بەردەوامیتان بۆ دەخوازین.
لەم دەرفەتەدا، جارێكی دیكە جەخت دەكەینەوە سەر هەماهەنگی و تەبایی نێوان سەرجەم هێز و لایەنە سیاسییەكانی كوردستان بۆ چارەسەركردنی ڕاست و دروستی كێشە و پرسە هەنووكەییە چارەنووسسازەکان و، پاراستنی دەستكەوتەكانمان و بەهێزکردنی دامەزراوەکان و داکۆکیکردن لە قەوارەی دەستووری و سیاسی هەرێمی کوردستان.
جارێکی دیکە پیرۆزباییتان لێ دەکەین.
مەكتەبی سیاسیی پارتی دیموكراتی كوردستان
31ی ئایاری 2026
کۆمێنت (0)
تا ئێستا هیچ کۆمێنتێک نەکراوە.