سەرۆكی هەرێمی كوردستان پەیامێكی پیرۆزبایی ئاراستەی عەلی زەیدی سەرۆك وەزیرانی نوێی عێراق و وەزیرەكانی حكوومەتەكەی كرد، دوای ئەمشەو پێنجشەممە متمانەیان لەلایەن ئەنجوومەنی نوێنەرانیی عێراقەوە پێ بەخشرا.
نێچیرڤان بارزانی سەرۆكی هەرێمی كوردستان پەیامەكەی لە تۆڕی كۆمەڵایەتی (ئێكس) بڵاوكردۆتەوە و نووسیویەتی "خۆشحاڵبووم بە بهشداریکردنم لە دانیشتنی ئەمڕۆ ئێوارەی ئەنجوومەنی نوێنەرانیی عێراق کە تایبەت بوو بە بەخشینی متمانە بە سەرۆک وەزیران عەلی فالح ئەلزهيدى و حکوومەتەکەی".
نێچیرڤان بارزانی لە پەیامەكەدا هەروەها نووسیویەتی "بەو بۆنەیەوە، گەرمترین پیرۆزبایی ئاراستەی بەڕێزیان و حکوومەتەکەی دەکەین".
سەرۆكی هەرێم هەروەها رایگەیاندووە "هیوای سەرکەوتنيان بۆ دەخوازین لە ڕاپەڕاندنی ئەرک و بەرپرسیاریەتییەکانیاندا، بە شێوەیەک کە خزمەت بە تەواوی گەلی عێراق بە هەموو پێکهاتەکانییەوە بکات و خواستەکانیان بۆ ئاسایش، سەقامگیری، پێشکەوتن و ئاوەدانیی زیاتر، بەدی بهێنێت".
ئەمشەو پێنجشەممە لە ئەنجوومەنی نوێنەرانی عێراق دانیشتنێكی تایبەت بۆ متمانەبەخشین بە عەلی زەیدی وەك سەرۆك وەزیران و هەروەها كابینە و كارنامەی حكوومەتەكەی بەڕێوەچوو، تێیدا متمانە بە خۆی و كارنامەی حكوومەتەكەی و بەشێكی زۆر لە وەزیرەكانی بەخشرا.
کۆمێنت (0)
تا ئێستا هیچ کۆمێنتێک نەکراوە.