جەلادەکەی نوگرەسەلمان سزای لەسێدارەدانی بەسەردا سەپێندرا
دادگای ڕەسافە لە شاری بەغدا، بڕیاری کۆتایی لەبارەی کەیسی "عەجاج" دەرکرد، کە بە یەکێک لە دڕندەترین جەلادەکانی زیندانی "نوگرەسەلمان" دەناسرێت لە سەردەمی ڕژێمی بەعسدا.
بەپێی زانیارییەکانی پەیامنێریان لە بەغدا لە نێو دادگاکەوە، ئەمڕۆ دادوەر بڕیاری سزای لەسێدارەدانی بۆ تۆمەتبار (عەجاج) دەرکرد، ئەمەش دوای ساغبوونەوەی تاوانەکانی لە ئەشکەنجەدان و کوشتنی زیندانیانی کورد لە زیندانی نوگرەسەلمان لە کاتی شاڵاوەکانی ئەنفالدا.
ئەم بڕیارە دوای چاوەڕوانییەکی زۆری کەسوکاری قوربانیانی ئەنفال دێت، کە ساڵانێکی زۆرە چاوەڕێی دادپەروەری و سزادانی تاوانبارانی ئەو سەردەمە دەکەن.
کۆمێنت (0)
تا ئێستا هیچ کۆمێنتێک نەکراوە.