ئەمڕۆ دووشەممە، حكوومهتی فەرەنسا، تۆمارکردنی یەکەمین حاڵەتی گومانلێکراو بە تووشبوون بە ڤایرۆسی هانتایان لەناوهخۆی وڵاتدا ڕاگەیاند، کە هاووڵاتییەکی فەرەنسییە و لەسەر کەشتیی گەشتیاریی (MV Hondius) بووە کە ڤایرۆسەکەی تێدا بڵاوبووەتەوە.
سێباستیان لۆکۆرنۆ سەرۆک وەزیرانی فەرەنسا، ، رایگهیاند: "نیشانەکانی تووشبوون لەسەر یەکێک لەو پێنج کەسە دەرکەوتووە کە دوێنێ لە نزیک دوورگەکانی تێنێریف بە فڕۆکە گواستراونەتەوە بۆ فهرهنسا.
راشیگهیاندووه:لە کاتی گەڕانەوەی ئهو سهرنشینهدا نیشانهكانی تووشبوون به تا و ناڕەحەتیی هەناسەدان تیایدا دهركهوتووه.
ئهوهش هاتووه: سەرجەم سهرنشینه فهرهنسییه گەڕاوەکان هەر لەگەڵ گەیشتنیان گواستراونەتەوە بۆ نەخۆشخانەی "بیشا کلۆد بێرنار" لە پاریس، کە ناوەندێکی سەرەکییە بۆ نەخۆشییە گوازراوە مەترسیدارەکان و لەوێ لەژێر کەرەنتینەی تەندروستیی تونددا دانراون.
لای خۆیەوە، وەزیری تەندروستی، ستیفانی ڕیست، دڵنیایی دایە هاووڵاتییان کە دۆخەکە وەک کۆڤید نییە و جەختی کردەوە کە جۆری (Andes) سەرەڕای توانای گواستنەوەی لە ڕێگەی هەواوە، بەڵام پێویستی بە بەرکەوتنی زۆر نزیک هەیە بۆ گواستنهوه.
کۆمێنت (0)
تا ئێستا هیچ کۆمێنتێک نەکراوە.