کەشناسی: پلەکانی گەرما ڕوو لە بەرزبوونەوەی زیاتر دەکەن

هەولێر بەڕێوەبەرایەتی گشتیی کەشناسی و بوومەلەرزەزانی هەرێمی کوردستان پێشبینییەکانی کەشوهەوای بۆ 48 کاتژمێری داهاتوو بڵاوکردەوە و ڕایگەیاند، بۆ ئەمڕۆ و سبەی پلەکانی گەرما ڕوو لە بەرزبوونەوە دەکەن.

بەپێی ڕاگەیەندراوی کەشناسی، بۆ ئەمڕۆ شەممە ئاسمان بە گشتی ساماڵ دەبێت و هەندێک پەڵە هەوری جیا جیا لە ئاسماندا دەردەکەون، پلەکانی گەرماش بەراورد بە دوێنێ 2 تا 3 پلە بەرزتر دەبنەوە. ئاماژە بەوەش کراوە کە ئاراستەی با بەرەو باکووری خۆرئاوا دەبێت و مەودای بینین لە نێوان 9 بۆ 10 کیلۆمەتردا دەبێت.

سەبارەت بە کەشوهەوای سبەی یەکشەممە، کەشناسی ڕایگەیاندووە کە کەشی ناوچەکە جێگیر دەبێت و ئاسمان بە ساماڵی دەمێنێتەوە، هاوکات پلەکانی گەرما 1 تا 2 پلەی تریش بەراورد بە ئەمڕۆ بەرز دەبنەوە.

بەرزترین پلەکانی گەرما پێشبینیکراو بۆ سبەی یەکشەممە:

  - هەولێر: 30 پلەی سیلیزی

  - سلێمانی: 28 پلەی سیلیزی

  - دهۆک: 29 پلەی سیلیزی

  - کەرکووک (چەمچەماڵ): 30 پلەی سیلیزی

  - هەڵەبجە: 29 پلەی سیلیزی

  - زاخۆ: 30 پلەی سیلیزی

  - گەرمیان: 33 پلەی سیلیزی

  - سۆران: 27 پلەی سیلیزی

  - پیرمام: 26 پلەی سیلیزی

  - حاجی ئۆمەران: 19 پلەی سیلیزی