وەزارەتی دەرەوەی ئێران ڕایگەیاند، تاران لە ڕێگەی نێوەندگیریی وڵاتی پاکستانەوە چووەتە نێو گەڕێکی نوێی دانوستاندنەکان لەگەڵ ئەمریکا.
ڕۆژی هەینی 1ـی ئایار، وەزارەتی دەرەوەی ئێران لە ڕاگەیەندراوێکدا بڵاوی کردەوە، عەباس عێراقچی، وەزیری دەرەوەی ئێران لە پەیوەندییەکی تەلەفۆنیدا لەگەڵ هاوتا هەرێمییەکانی، دەستپێکردنی خولێکی نوێی دانوستاندنەکانی پشتڕاست کردەوە.
عەباس عێراقچی ئاماژەی بەوە کرد، وڵاتەکەی ئامادەیە بۆ بەردەوامبوون لە دیپلۆماسی، بەڵام بەو مەرجەی ئەمریکا دەستبەرداری داواکارییە زۆرەکانی و زمانی هەڕەشە و کردەوە وروژێنەرەکانی ببێت.
وەزیری دەرەوەی ئێران دەستخۆشی لەو هەوڵانەش کرد کە ڕێگری لە لێکەوتە مەترسیدارەکانی هەر دەستدرێژییەکی سەربازی نوێ دەکەن.
ئاژانسی (ئێرنا)ـی فەرمیی ئێران بڵاوی کردەوە، ئێران شەوی ڕابردوو نوێترین پێشنیازەکانی خۆی بۆ دانوستاندن ڕادەستی پاکستان کردووە، بۆ ئەوەی وەک نێوەندگیر بیگەیەنێتە ئەمریکا
کۆمێنت (0)
تا ئێستا هیچ کۆمێنتێک نەکراوە.