پۆلیسی سلێمانی ڕایگەیاند، مەفرەزەکانی نەهێشتنی تاوان توانیویانە دوو تۆمەتبار دەستگیر بکەن کە لە شارۆچکەی دەربەندیخان هاوڵاتییەکیان ڕفاندبوو و بەرەو سەیدسادق هەڵهاتبوون.
ڕۆژی هەینی 24ـی نیسان، بەڕێوەبەرایەتیی پۆلیسی پارێزگای سلێمانی ڕایگەیاند، مەفرەزەکانی نووسینگەی نەهێشتنی تاوانی سەیدسادق بە هاوکاری نووسینگەی دەربەندیخان، دوو تۆمەتباریان بە ناوەکانی (چ. ع. ح لەدایکبووی 2004) و (چ. ع. ح لەدایکبووی 2002) دەستگیر کردووە.
لە ڕاگەیەندراوەکەی پۆلیسی سلێمانی هاتووە، ئەو دوو تۆمەتبارە دوای ئەنجامدانی تاوانەکەیان لە شارۆچکەی دەربەندیخان چوونەتە شارۆچکەی سەیدسادق و لەوێ خۆیان حەشارداوە، بەڵام لەسەر فەرمانی دادوەر و بەپێی ماددەی (421) لە یاسای سزادان، دەستگیر کراون.
پۆلیسی سلێمانی دەڵێت، لە کاتی دەستگیرکردنیاندا، دەستگیراوە بەسەر دوو ئۆتۆمبێل و دوو مۆبایل کە بە تۆمەتباران بووە، لە ئێستاشدا هەردوو دەستگیرکراوەکە بە بڕیاری دادوەر ڕاگیراون و لێکۆڵینەوە لە کەیسەکەدا بەردەوامە.
کۆمێنت (0)
تا ئێستا هیچ کۆمێنتێک نەکراوە.