بەرپرسێكی باڵای ئێرانی مەرجی وڵاتەكەی بۆ دووبارە بەشداریكردن لە دانوستانەكانی ئیسلام ئاباد لە وڵاتی پاكستان راگەیاند.
بەرپرسەكە بۆ ئاژانسی (رۆیتەرز) رایگەیاندووە: هەوڵەكانی پاكستان بۆ رازیكردنی ئەمریكا سەبارەت بە هەڵگرتنی گەماڕۆكانی سەر گەرووی هورمز و ئازادكردنی كەشتییەكەمان، تا ئێستا هیچ سوودێكی نەبووە.
راشیگەیاندووە: رەتی دەكەینەوە لەژێر هەڕەشە و گوشاردا بەشداری لە هیچ دانوستانێكدا بكەن كە ئامانج لێی تەنیا خۆبەدەستەوەدانە.
بەرپرسەكەی ئێرانی جەختیشی كردەوە كە "هەركاتێك ئەمریكا دەستبەرداری فشار و هەڕشەكان بوو، ئێمە دووبارە بەشداری لە دانوستانەكان دەكەینەوە".
ئەمە لەكاتێكدایە كە وادەی ئاگربەستی نێوان ئێران و ئەمریكا تەنیا چەند كاتژمێرێكی كەمی ماوە، شاندی هەردوو وڵاتیش تا ئێستا رەتی دەكەنەوە بچنە پاكستان.
عەتائوڵا تارار وەزیری راگەیاندنی پاكستان رایگەیاندووە: وادەی ئاگربەستی نێوان ئێران و ئەمریكا بەرەبەبەیانی رۆژی چوارشەممە كاتژمێر 2:50 (بەكاتی كوردستان) كۆتایی دێت.
کۆمێنت (0)
تا ئێستا هیچ کۆمێنتێک نەکراوە.